Молятся об избавлении от голода, с просьбой о плодородии земли, хорошем урожае.

О пречудный священномучениче Харалампие, страстотерпче непреодоленный, священниче Божий, о всем мире ходатайствуяй! Призри на моление нас, почитающих святую память твою: испроси нам у Господа Бога прощение грехов наших, да не до конца прогневается на нас Господь: согрешйхом бо и недостойни явихомся милосердия Божия: моли о нас Господа Бога, да низпослет мир на грады и веси нашя, да избавит нас от нашествия иноплеменников, междоусобныя брани и всяких раздоров и нестроении: утверди, священномучениче, веру и благочестие во всех чадех православныя христианския церкве, и да избавит нас Господь Бог от ересей, расколов и всякаго суеверия. О милосердый мучениче! Молися за ны ко Господу, да сохранит от глада и всяких болезней, и да подаст нам изобилие плодов земных, скотов умножение на потребу человеком и вся нам полезная: наипаче же да сподобимся, молитвами твоими, небеснаго царствия Христа Бога нашего, Емуже честь и поклонение подобает, со безначальным Его Отцем и пресвятым Духом, ныне и присно и во веки веков.

Архив Молитв > Укрепление веры: ... Молитвы в скорбях и гонениях Молитва пророку Божию Илии Молитва о плодородии и урожае Молитва от внезапной или скоропостижной смерти Молитва о покровительстве воинов Молитва для поддержки духовенства (блаженной Ксении Петербургской)