Заступнице усердная, Мати Господа вышняго! Ты еси всем христианом помощь и заступление, паче же в бедах сущым: призри ныне с высоты святыя Твоея и на ны, с верою покланяющыяся пречистому образу Твоему, и яви, молим Тя, скорую помощь Твою по морю плавающым и от ветров бурных тяжкия скорби терпящым. Подвигни и вся православныя христианы на спасение в водах утопающих, и воздаждь подвизающымся о сем богатыя милости и щедроты Твоя: се бо, на образ Твой взирающе, Тебе яко мйлостивно сущей с нами, приносим смиренная моления наша. Не имамы бо ни иныя помощи, ни иного предстательства, ни утешения, токмо Тебе, о Мати всех скорбящих и напаствуемых: Ты по Бозе наша надежда и заступница, и на Тя уповающе, сами себе, и друг друга, и всю жизнь нашу Тебе предаем во веки веков.

Архив Молитв > Молитвы перед иконами "Пресвятой Богородицы": ... Молитва иконе Божией Матери "Скоропослушница" Молитва иконе Пресвятой Богородицы "Слово плоть бысть" Молитва иконе Пресвятой Богородицы "Спасительница утопающих" Молитва иконе Божией Матери "Споручница грешных" Молитвы перед иконой "Троеручица" Молитва иконе Божией Матери "Утоли моя печали" ...