О пресвятая и преблагословенная Мати сладчайшаго Господа нашего Иисуса Христа! Припадаем и покланяемся Тебе пред святою чудотворною иконою Твоею, воспоминающе дивное знамение Твоего заступления, великому Новуграду от нея явленное во дни ратнаго нань нашествия: смиренно молим Тя, всесильная рода нашего заступнице: якоже древле отцем нашым на помощь тогда ускорила еси, тако и ныне нас немощных и грешных Твоего матерняго заступления и благопопечения сподоби: спаси и сохрани, Владычице, под кровом милости Твоея, церковь святую утверди, град Твой (обитель Твою) и всю страну нашу православную и всех нас, припадающих к Тебе с верою и любовию и умиленно просящих со слезами Твоего заступления, помилуй и сохрани: ей, Госпоже всемилостивая! Умилосердися на ны, обуреваемыя грехми многими, простри ко Христу Господу богоприимныя руце Твой и предстательствуй за нас пред благостию Его, просящи нам прощения прегрешений наших, благочестного мирного жития, благия христианския кончины и добраго ответа на страшнем суде Его: да спасаеми всесильными Твоими к Нему молитвами, блаженство райское унаследуем, и со всеми святыми воспоем пречестное и великолепное имя достопоклоняемыя Троицы, Отца и Сына и Святаго Духа, и Твое велие к нам милосердие во веки веков.

Архив Молитв > Молитвы перед иконами "Пресвятой Богородицы": ... Молитва иконе Божией Матери "Всех скорбящих Радость" Молитвы иконе Божией Матери 'Державная' Молитва иконе Божией Матери "Знамение" Молитва иконе Божией Матери "Иверская" Молитва иконе Божией Матери 'Иерусалимская' Молитва иконе Божией Матери "Казанская" ...