Дата публикации: 08 мая 2023

Господи Боже сил, Боже спасения нашего, прИзри в милости на смиренныя рабы твоя, услыши и помилуй нас: се бо брани хотящия ополчишася на святую Русь, чающе разделити и погубити единый народ ея.

Возстани Боже, в помощь людем Твоим и подаждь нам силою Твоею победу. Верным чадам Твоим, о единстве русския церкви ревнующим, поспешествуй, в духе братолюбия укрепи их и от бед избави. Запрети раздирающим во омрачении умов и ожесточении сердец ризу Твою, яже есть церковь живого Бога, и замыслы их ниспровергни.

Благодатию Твоею власти придержащия ко всякому благу настави и мудростию обогати!

Воины и вся защитники отечества нашего в заповедях Твоих утверди, крепость духа им низпосли, от смерти, ран и пленения сохрани!

Лишенныя крова и в изгнании сущия в домы введи, алчущия напитай, недугующия и страждущия укрепи и исцели, в смятении и печали сущим надежду благую и утешение подаждь!

Всем же во дни сия убиенным и от ран и болезней скончавшимся прощение грехов дАруй и блаженное упокоение сотвори!

Исполни нас яже в Тя веры, надежды и любве, возстави паки во всех странах святыя Руси мир и единомыслие, друг ко другу любовь обнови в людех твоих, яко да единеми усты и единем сердцем исповемыся Тебе, единому Богу в Троице славимому.

Ты бо еси заступление, и победа, и спасение уповающим на Тя и Тебе славу возсылаем, Отцу, Сыну и Святому Духу, ныне и присно, и во веки веков. Аминь.

Архив Молитв > Мир: Молитва о умножении любви и искоренении ненависти и всякой злобы Мир в семье и по всему миру Защита города от напастей (Акафист иконе Пресвятой Богородице "Ченстоховская" Молитва об Отечестве (блаженной Ксении Петербургской) Молитва о святой Руси